![13. sætið staðreynd eftir sigur á Austurríki](http://gamli.kki.is/myndir/EM2008U-16.jpg)
24 ágú. 2008U-16 ára landslið karla lauk keppni með sigri á Austurríki í leik um 13. sætið í B-deild Evrópukeppninnar. Liðin skiptust á að hafa forystu í 1. leikhluta en Austurríki hafði betur 15:17 Í 2. leikhluta náðu íslensku strákarnir að komast enn betur inn í leikinn og og þegar flautað var til hálfleiks var staðan 34:30 Íslandi í vil. Seinni hálfleikur var einnig eign Íslands og unnust báðir leikhlutarnir og öruggur [v+]http://www.fibaeurope-u16men.com/enDivB/default.asp?cid={4928AAE3-648D-4236-8962-7213309309EC}&pageID={783ED8F9-8DE4-416C-AD31-AE326C48A984}&compID={89EB60F8-7F8F-4FFB-9427-6103055F3511}&season=2008&roundID=5963&teamID=&gameID=6112-93-A-1&[v-]65:48[slod-] sigur í höfn. Þar með endaði liðið í 13. sæti með 5 sigra og 4 töp sem verður að teljast góður árangur. Það er einna helst að leikurinn gegn Hollandi hefði átt að vinnast og einnig hefði liðið getað leikið betur gegn Eistum, sá munur sem var á liðunum í þeim leik gefur alls ekki rétta mynd. Íslenski hópurinn hefur verið landi og þjóð til sóma innan sem utan vallar og verður að segjast að strákarnir voru með þeim allra kurteisustu á þessu móti. Nú tekur við undirbúningur á heimferð en hópurinn leggur af stað frá hótelinu klukkan 04:00 í nótt en flug til Ljubljana er áætlað klukkan 06:00. Strákarnir senda sínar bestu kveðjur heim.