9 ágú. 2008Íslenska kvennalandsliðið tapaði með átta stigum, 68-76, fyrir Danmörku í lokaleik sínum á Norðurlandamótinu í Gentotfe í dag. Íslenska liðið komst í 10-0 og var yfir allt þar til að rúmar sex mínútur voru eftir en missti þá leikinn frá sér. Íslensku stelpurnar gáfu allt sitt í lokin en skotin vildu ekki detta og því varð íslenska liðið að sætta sig við 5. og síðasta sætið á Norðurlandamótinu. Íslenska liðið tapaði öllum fjórum leikjunum sínum en stelpurnar voru inni í þremur þeim síðustu þar sem stelpurnar veittu Norðmönnum, Finnum og Dönum mikla mótstöðu. Það vantaði aðeins hinn fræga herslumun til þess að fagna sigri í einhverjum þessarra leikja. Íslensku stelpurnar voru greinilega staðráðnar í að landa sínum fyrsta sigri því þær byrjuðu frábærlega eftir að hafa verið undirbúnar vel af þjálfurunum Ágústi Björgvinssyni og aðstoðarmanni hans Finni Frey Stefánssyni. Ísland komst í 10-0 og Danir skoruðu ekki sín fyrstu stig fyrr en að fjórar og hálf mínúta var liðin af leiknum. Íslenska liðið var síðan 20-15 yfir eftir fyrsta leikhlutann. Ísland komst í 24-15 í upphafi annars leikhluta en Danir svöruðu með sex stigum í röð og voru síðan búnir að jafna leikinn og komast einu stigi yfir þegar, Hildur Sigurðardóttir, kórónaði góðan hálfleik sinn með því að koma Íslandi yfir í 34-33 um leið og hálfleiksflautan gall. Íslensku stelpurnar komu aftur grimmar til leiks í þriðja leikhluta og komust í 44-36 og voru 48-41 þegar liðið varð fyrir fyrra áfalli sínu af tveimur. Hildur Sigurðardóttir fékk þá á sig ruðning sem var hennar fimmta villa. Hildur var búin að leika glimrandi vel fram að því en þetta var fyrsti leikurinn hennar í byrjunarliðinu á mótinu. Danir náði að skora tvö síðustu stig leikhlutans og staðan var 48-43 fyrir Ísland þegar aðeins fjórði leikhlutinn var eftir. Það var ekki mikið liðið af fjórða leikhlutanum þegar íslenska liðið varð fyrir öðru áfalli þegar Ísland missti annan byrjunarliðsmann sinn útaf. Sigrún Ámundadóttir meiddist þá og gat ekkert spilað það sem eftir var leiks. Danir unnu síðan smá saman upp forskotið og komust loks yfir þegar rúmar fimm mínútur voru eftir en staðan var þá, 54-55, Dönum í vil. Danir gengu þá á lagið, skoruðu tíu stig í röð og voru með leikinn í sínum höndum þrátt fyrir að íslensku stelpurnar hafi haldið áfram að berjast fram til loka leiksins. Í lokin munaði svo átta stigum, Danir unnu 68-76.
Stelpurnar misstu frá sér sigurinn í lokin - enduðu í 5. sæti
9 ágú. 2008Íslenska kvennalandsliðið tapaði með átta stigum, 68-76, fyrir Danmörku í lokaleik sínum á Norðurlandamótinu í Gentotfe í dag. Íslenska liðið komst í 10-0 og var yfir allt þar til að rúmar sex mínútur voru eftir en missti þá leikinn frá sér. Íslensku stelpurnar gáfu allt sitt í lokin en skotin vildu ekki detta og því varð íslenska liðið að sætta sig við 5. og síðasta sætið á Norðurlandamótinu. Íslenska liðið tapaði öllum fjórum leikjunum sínum en stelpurnar voru inni í þremur þeim síðustu þar sem stelpurnar veittu Norðmönnum, Finnum og Dönum mikla mótstöðu. Það vantaði aðeins hinn fræga herslumun til þess að fagna sigri í einhverjum þessarra leikja. Íslensku stelpurnar voru greinilega staðráðnar í að landa sínum fyrsta sigri því þær byrjuðu frábærlega eftir að hafa verið undirbúnar vel af þjálfurunum Ágústi Björgvinssyni og aðstoðarmanni hans Finni Frey Stefánssyni. Ísland komst í 10-0 og Danir skoruðu ekki sín fyrstu stig fyrr en að fjórar og hálf mínúta var liðin af leiknum. Íslenska liðið var síðan 20-15 yfir eftir fyrsta leikhlutann. Ísland komst í 24-15 í upphafi annars leikhluta en Danir svöruðu með sex stigum í röð og voru síðan búnir að jafna leikinn og komast einu stigi yfir þegar, Hildur Sigurðardóttir, kórónaði góðan hálfleik sinn með því að koma Íslandi yfir í 34-33 um leið og hálfleiksflautan gall. Íslensku stelpurnar komu aftur grimmar til leiks í þriðja leikhluta og komust í 44-36 og voru 48-41 þegar liðið varð fyrir fyrra áfalli sínu af tveimur. Hildur Sigurðardóttir fékk þá á sig ruðning sem var hennar fimmta villa. Hildur var búin að leika glimrandi vel fram að því en þetta var fyrsti leikurinn hennar í byrjunarliðinu á mótinu. Danir náði að skora tvö síðustu stig leikhlutans og staðan var 48-43 fyrir Ísland þegar aðeins fjórði leikhlutinn var eftir. Það var ekki mikið liðið af fjórða leikhlutanum þegar íslenska liðið varð fyrir öðru áfalli þegar Ísland missti annan byrjunarliðsmann sinn útaf. Sigrún Ámundadóttir meiddist þá og gat ekkert spilað það sem eftir var leiks. Danir unnu síðan smá saman upp forskotið og komust loks yfir þegar rúmar fimm mínútur voru eftir en staðan var þá, 54-55, Dönum í vil. Danir gengu þá á lagið, skoruðu tíu stig í röð og voru með leikinn í sínum höndum þrátt fyrir að íslensku stelpurnar hafi haldið áfram að berjast fram til loka leiksins. Í lokin munaði svo átta stigum, Danir unnu 68-76.