![Stórleikur í Keflavík í kvöld](http://gamli.kki.is/myndir/header_auglysing_icex_deildin_orange.jpg)
16 apr. 2008Í kvöld er komið að oddaleik Keflavíkur og ÍR sem fram fer í Toyotahöllinni í Keflavík. Leikurinn hefst klukkan 19:15 Það er mikil spenna í loftinu fyrir þessum leik enda er mikið í húfi. Liðið sem vinnur mætir Snæfelli í úrslitum. Keflvíkingar ætla að leggja mikið í umgjörð leiksins og bjóða upp á allskyns skemmtun og þar fara fremstir í flokki Rottweilerhundar með Erp nokkurn Eyvindarson í fararbroddi. Það verða fríar sætaferðir frá Reykjavík á leikinn og vonast ÍRingar til að fólk fjölmenni úr höfuðborginni. Borgar-Skotið verður til Gautaborgar "Express Hringlið" sem hefur slegið í gegn verður á sínum stað og spennandi að sjá hver verður fyrir valinu í kvöld Kappar eins og Hrannar Hólm, Björn Leósson, Björn Steffensen, Ellert Magnússon og Ríkharður Hrafnkelsson hafa fengið að spreyta sig og allir sýnt góð tilþrif þó þeir hafi ekki náð að skora. Hægt er að lesa um leikinn á síðum félaganna: [v+]http://www.keflavik.is/karfan/[v-]Heimasíða Keflavíkur[slod-] [v+]http://www.ir-karfa.is/[v-]Heimasíða ÍR[slod-]