11 mar. 2008[v+]http://gofrogs.cstv.com/sports/w-baskbl/mtt/sverrisdottir_helena00.html[v-]Helena Sverrisdóttir[slod-] hefur verið valin nýliði ársins í Mountain West deildinni í bandaríska háskólaboltanum. Helena hefur leikið frábærlega á fyrsta ári sínu með TCU háskólanum í vetur. Hún hefur skorað 9,3 stig að meðaltali í leik, tekið 5,7 fráköst og sent 2,7 stoðsendingar í leik á 25,7 mínútum. Þjálfarar liðanna í Mountin West deildinni sáu um að velja besta nýliðann en aðeins einn leikmaður TCU skólans hefur áður verið valin nýliði ársins. Helena var einnig ein af þeim leikmönnum sem þóttu hæfir til að vera valdir í lið ársins í deildinni.