9 jan. 2008Einn leikur var í Iceland Express deild kvenna í gær. Valur vann óvæntan sigur á Keflavík. Í 1. deild karla sigraði FSu lið Hauka. Leikur Vals og Keflavíkur var Iceland Express leikur Vals. Leikurinn var æsispennandi en leikurinn varð tvíframlengdur. Valsstúlkur virðast hafa náð að undirbúa sig vel fyrir leikinn því þær náðu að sigra topplið Keflavíkur [v+]http://www.kki.is/leikvarp_tolfraedi.asp?Leikur=1500002685_16_1[v-]97-94[slod-]. Molly Peterman skoraði 38 stig fyrir Val og stal 10 boltum í leiknum. Signý Hermannsdóttir átti einnig góðan leik en hún skoraði 16 stig, tók 15 fráköst og sendi 8 stoðsendingar. Hjá Keflavík var TaKesha Watson með 25 stig og 9 stoðsendingar. FSu tók á móti Haukum á Selfossi í 1. deild karla. Heimamenn unnu nokkuð öruggan sigur [v+]http://www.kki.is/leikvarp_tolfraedi.asp?Leikur=1500002686_9_4[v-]92-67[slod-]. Þar sem Matthew Hammer skoraði 19 stig og Árni Ragnarsson skoraði 16 stig, tók 10 fráköst og sendi 7 stoðsendingar. [v+]http://www.kki.is/mot/mot_1500002686.htm[v-]Staðan í 1. deild karla[slod-]. Í kvöld verða 2 leikir í Iceland Express deild kvenna. Fjölnir tekur á móti Grindavík og Hamar fær Hauka í heimsókn. [v+]http://www.kki.is/mot/mot_1500002685.htm[v-]Staðan í Iceland Express deild kvenna[slod-].