18 des. 2007Sú breyting átti sér stað á dögunum að ráðnir voru þjálfarar fast á yngri landsliðin. Síðustu árin hafa þjálfararnir fylgt árgöngum en nú hefur því semsagt verið breytt og ráðnir voru tveir þjálfarar; annar sem þjálfari U16 og hinn sem þjálfari U18. Einar Árni Jóhannsson mun þjálfa U16 karla og Ingi Þór Steinþórsson mun þjálfa U18 karla en báðir hafa þeir starfað lengi fyrir sambandið í þjálfun yngri landsliðanna. Einar mun fara með drengi fædda 1992 og síðar á NM í vor og svo á EM dagana 15.-24. ágúst í Bosníu. Ingi Þór mun fara með drengi fædda 1990 og 1991 á NM í vor en Norðurlandamótið er í Solna í Svíðjóð dagana 30.apríl – 4. maí. Eftir þessar breytingar er ljóst að Einar Árni mun samhliða þjálfun U16 vinna með næstu árganga á eftir sem eru drengir fæddir 1993 og 1994 en Ingi hafði farið af stað með úrtak fyrir ´93 drengi í sumar og haust. Í kjölfar þessara breytinga mun Einar því kalla saman hóp fyrir drengi fædda 1993 og síðar í kringum jólin. Hjá stelpunum er Rob Hodgson að fara með U16 kvenna á NM í vor og einnig í Evrópukeppni í sumar en staðsetning liggur ekki fyrir enn, og Ágúst Sigurður Björgvinsson mun fara með U18 kvenna á NM. Þá hefur verið gengið frá því að Yngvi Páll Gunnlaugsson mun svo taka við U16 kvenna eftir sumarið en hann hefur þegar farið af stað með árgang 1993 og síðar fyrir þau verkefni. U16 ára þjálfararnir, Einar Árni og Yngvi Páll hafa jafnframt tekið við Úrvalsbúðum KKÍ en þær eru undanfari U16 liðanna þar sem félögin tilnefna efnilega iðkendur á æfingar tvisvar yfir sumarið. Búðirnar voru kynjaskiptar í fyrsta sinn síðastliðið sumar og tókst vel til. Einar Árni heldur því utan um drengjabúðirnar og Yngvi Páll hjá stúlkunum.
Breyting hjá þjálfurum yngri landsliða
18 des. 2007Sú breyting átti sér stað á dögunum að ráðnir voru þjálfarar fast á yngri landsliðin. Síðustu árin hafa þjálfararnir fylgt árgöngum en nú hefur því semsagt verið breytt og ráðnir voru tveir þjálfarar; annar sem þjálfari U16 og hinn sem þjálfari U18. Einar Árni Jóhannsson mun þjálfa U16 karla og Ingi Þór Steinþórsson mun þjálfa U18 karla en báðir hafa þeir starfað lengi fyrir sambandið í þjálfun yngri landsliðanna. Einar mun fara með drengi fædda 1992 og síðar á NM í vor og svo á EM dagana 15.-24. ágúst í Bosníu. Ingi Þór mun fara með drengi fædda 1990 og 1991 á NM í vor en Norðurlandamótið er í Solna í Svíðjóð dagana 30.apríl – 4. maí. Eftir þessar breytingar er ljóst að Einar Árni mun samhliða þjálfun U16 vinna með næstu árganga á eftir sem eru drengir fæddir 1993 og 1994 en Ingi hafði farið af stað með úrtak fyrir ´93 drengi í sumar og haust. Í kjölfar þessara breytinga mun Einar því kalla saman hóp fyrir drengi fædda 1993 og síðar í kringum jólin. Hjá stelpunum er Rob Hodgson að fara með U16 kvenna á NM í vor og einnig í Evrópukeppni í sumar en staðsetning liggur ekki fyrir enn, og Ágúst Sigurður Björgvinsson mun fara með U18 kvenna á NM. Þá hefur verið gengið frá því að Yngvi Páll Gunnlaugsson mun svo taka við U16 kvenna eftir sumarið en hann hefur þegar farið af stað með árgang 1993 og síðar fyrir þau verkefni. U16 ára þjálfararnir, Einar Árni og Yngvi Páll hafa jafnframt tekið við Úrvalsbúðum KKÍ en þær eru undanfari U16 liðanna þar sem félögin tilnefna efnilega iðkendur á æfingar tvisvar yfir sumarið. Búðirnar voru kynjaskiptar í fyrsta sinn síðastliðið sumar og tókst vel til. Einar Árni heldur því utan um drengjabúðirnar og Yngvi Páll hjá stúlkunum.