Einn leikur í 1. deild karla í kvöld

23 okt. 2007Einn leikur verður í 1. deild karla í kvöld þegar Reykjavíkurliðin Ármann og Valur mætast á heimavelli Ármanns í Laugardalshöll. Leikurinn hefst klukkan 20:30. Valsmenn hafa byrjað tímabilið vel og unnið báða leiki sína í deildinni til þessa. Ármann hefur unnið einn leik og tapað einum. Valsmönnum var spáð öðru sæti í deildinni en Ármanni því sjöunda. Bæði lið hafa tekið miklum breytingum, bætt við sig mörgum leikmönnum og skipt um þjálfara. Í kvöld verður einnig leikið í Drengjaflokki og Unglingaflokki karla. Í gær þurfti að fresta leik Skallagríms og Keflavíkur í Drengjaflokki vegna veðurs. Ný tímasetning verður auglýst síðar.