![KR Reykjavíkurmeistarar](http://gamli.kki.is/myndir/KR_IR_Reymot2007_01_SB.jpg)
19 sep. 2007KR-ingar urðu í gærkvöldi Reykjavíkurmeistarar í meistaraflokki karla þegar liðið sigraði ÍR [v+]http://www.kki.is/leikvarp_tolfraedi.asp?Leikur=1500002704_3_2[v-]89-73[slod-]. Leikurinn, sem fór fram á nýja parketinu í DHL Höll KR-inga, var kaflaskiptur. Jafnt var eftir fyrsta leikhluta 16-16 en KR var með 47-32 forystu í hálfleik. ÍR náði að minnka muninn í 69-65 í fjórða leikhluta en þá áttu KR-ingar góðan sprett, náðu að auka muninn aftur og tryggja sér sigur. Hjá KR var Joshua Helm stigahæstur með 24 stig, Jovan Zdravevski skoraði 20 og Fannar Ólafsson 16. Sonny Troutman skoraði 25 stig fyrir ÍR og Sveinbjörn Claessen var með 17 stig. Fjölnir sigraði val 87-85 á heimavelli sínum í Grafarvogi og tryggðu sér þar með þriðja sætið á mótinu.