![Svava sú fyrsta í tæp tólf ár sem fær að klæðast ellefunni](http://gamli.kki.is/myndir/11_svava.jpg)
6 sep. 2007Birna Valgarðsdóttir missti af sínum fyrsta landsleik í tæp tólf ár þegar íslenska kvennalandsliðið mætti Hollendingum á Ásvöllum á laugardaginn. Birna var fyrir þann leik búin að leika alla landsleiki A-liðs kvenna frá því að Ísland mætti Eistlandi í Seljaskóla 28. desember 1995. Birna var með í leik þjóðanna á Akranesi daginn eftir og hafði síðan leikið 67 landsleiki í röð. Það sem er ekki síður athyglisvert er að Birna klæddist peysu númer 11 í öllum þessum landsleikjum þrátt fyrir að hún er vanalega númer fimm þegar hún spilar með Keflavík. Þetta þýðir að félagi hennar úr Keflavíkurliðinu, Svava Ósk Stefánsdóttir, sem var í treyju númer 11 á móti Hollandi, var fyrsta landsliðskonan sem fær að fara í ellefuna síðan 28. desember 1995. Í þeim leik var Kristjana Björg Magnúsdóttir í treyju númer 11 en Birna hefur leikið 58 fleiri landsleiki í ellefunni en sú sem næstleikjahæst sem er Hafdís Hafberg. Birna hefur spilað alla sína 68 landsleiki í treyju númer 11 en meðal annarta reynslumikilla kvenna sem hafa bara verið í einu númeri í öllum sínum landsleikjum eru þær Helga Þorvaldsdóttir (53 leikir í númer 13), Erla Þorsteinsdóttir (48 leikir í númer 12), Signý Hermannsdóttir (42 leikir í númer 4) og Björg Hafsteinsdóttir (33 leikir í númer 10). Hér á eftir fer skemmtileg tölfræði yfir hvaða leikmenn hafa klæðst ofasta ákveðni treyju með íslenska landsliðinu og hvaða leikmenn eiga landsleikjametið í ákveðnu númeri. Tveir leikmenn landsliðsins sem er á leiðinni til Noregs um næstu helgi eru methafar í sínu númeri en það eru þær Signý Hermannsdóttir (42 leikir í númer 4) og Hildur Sigurðardóttir (47 leikir í númer 10). Flestir landsleikir í ákveðnu keppnisnúmeri: Birna Valgarðsdóttir 68 leikir í númer 11 Helga Þorvaldsdóttir 53 leikir í númer 13 Anna María Sveinsdóttir 52 leikir í númer 14 Erla Þorsteinsdóttir 48 leikir í númer 12 Hildur Sigurðardóttir 47 leikir í númer 10 Signý Hermannsdóttir 42 leikir í númer 4 Linda Stefánsdóttir 36 leikir í númer 6 Hanna B. Kjartansdóttir 36 leikir í númer 5 Björg Hafsteinsdóttir 33 leikir í númer 10 Erla Reynisdóttir 32 leikir í númer 8 Guðbjörg Norðfjörð 30 leikir í númer 15 Alda Leif Jónsdóttir 24 leikir í númer 6 Anna Dís Sveinbjörnsdóttir 22 leikir í númer 7 Kristín Blöndal 21 leikur í númer 15 Lovísa Guðmundsdóttir 20 leikir í númer 9 Marín Rós Karlsdóttir 20 leikir í númer 7 Helga Jónasdóttir 19 leikir í númer 8 Vigdís Þórisdóttir 16 leikir í númer 15 Olga Færseth 16 leikir í númer 12 Alda Leif Jónsdóttir 15 leikir í númer 12 María Jóhannesdóttir 15 leikir í númer 9 Svanhildur Káradóttir 14 leikir í númer 4 Rannveig Randversdóttir 14 leikir í númer 9 Kristín Björk Jónsdóttir 14 leikir í númer 6 Alda Leif Jónsdóttir 13 leikir í númer 9 María Ben Erlingsdóttir 12 leikir í númer 15 Helena Sverrisdóttir 12 leikir í númer 14 Gréta María Grétarsdóttir 12 leikir í númer 5 Guðbjörg Norðfjörð 11 leikir í númer 14 Hafdís Hafberg 10 leikir í númer 11 Anna Gunnarsdóttir 10 leikir í númer 7 Svandís Anna Sigurðardóttir 10 leikir í númer 14 Flestir landsleikir eftir ákveðnu keppnisnúmeri:
![](http://kki.is/myndir/04_signy.jpg)
![](http://kki.is/myndir/10_hildur.jpg)