26 jún. 2007Stúlkurnar í 8. flokki úr Keflavík náðu þeim merka áfanga nú í vor að verða Íslandsmeistarar þriðja árið í röð og til að bæta leik sinn ennþá betur var ákveðið að halda til Mekka körfuboltans. Stúlkurnar munu taka þátt í æfingabúðum [v+] http://www.nba.com/draft2007/overview/phi.html[v-]Philadelphia 76ers[slod-]. Flogið verður til New York 28. júní með 18 stúlkur og keyrt til búðanna strax sama dag enda ekki langt að fara. Stelpurnar verða í búðunum í 6 daga og taka vel á því. Æfingabúðirnar eru staðsettar við Stroudsburg í Pennsilvaníu uppi í fjalli sem heitir Pocono Mountain. Í æfingabúðirnar koma krakkar frá yfir 40 löndum og öllum fylkjum Bandaríkjanna. Þarna mæta helstu stjörnur NBA liðsins og leggja sitt af mörkum en stelpurnar fá tvær pásur yfir daginn þar sem þær geta gert ýmislegt en á svæðinu er mini golf, kajakar og auðvitað körfuboltavellir. Í lok ferðar á að taka Manhattan með stæl og skoða Madison Square Garden og fá að kíkja í búningsklefa [v+] http://www.nba.com/draft2007/overview/nyk.html [v-]New York Knicks[slod-] og fleira. Markmið ferðarinnar er að ná framförum sem og að vera landi og þjóð til sóma en það ætti ekki að vera erfitt þar sem þessar stúlkur eru einstaklega samstilltur hópur með frábært foreldrastarf á bak við sig. Stelpunum langar að koma á framfæri þakklæti til allra sem styrktu þær en þeim var einstaklega vel tekið bæði af fyrirtækjum og einstaklingum.