26 maí 2007Sýn verður með beinar útsendingar alla helgina frá úrslitum austur og vesturstrandar. Í kvöld verður 3. leikur San Antonio og Utah Jazz sýndur og hefst leikurinn klukkan 00:30. San Antonio hefur 2-0 forystu en Utah eru sterkir á heimavelli og þar fara næstu 2 leikir fram. Á morgun sunnudag klukkan 00:30 verður 3. viðureign Cleveland og Detroit sýnd beint. Detroit leiðir einvígið 2-0 en Cleveland átti möguleika í lok beggja leikja að tryggja sér sigurinn svo það má búast við hörkuleikjum framundan í Cleveland. Á mánudagskvöld er 4. leikur San Antonio og Utah í beinni. Sá leikur hefst klukkan 01:00. Á þriðjudag heldur fjörið áfram en þá verður 4. viðureign Detroit og Cleveland sýnd beint á miðnætti. Það er því ljóst að körfubolti er fyrirferðarmikill í sjónvarpi næstu daga.