18 mar. 2007Fjörið heldur áfram í úrslitakeppninni í Iceland Express deild karla en tveir hörkuleikir verða í kvöld. Leikir 2 í viðureignum Njarðvíkur og Hamars/Selfoss annars vegar og Skallagríms og Grindavíkur hins vegar verða á dagskrá í kvöld. Miðað við leiki þessara liða sl. föstudagskvöld þá má búast við svakalegum leikjum. Hamar/Selfoss var nánast með leikinn í sínum höndum í lokin en Njarðvík náði að sigra á lokasekúndum leiksins [v+]http://www.kki.is/leikvarp_tolfraedi.asp?Leikur=1500002639_1_1[v-]79:75[slod-] Í Borgarnesi var sóknarleikurinn í fyrirrúmi og fengu þeir áhorfendur sem lögðu leið sína á völlinn mikið fyrir aurinn. Leikurinn var jafn meira og minna allan leikinn enda fór svo að það þurfti að framlengja til að knýja fram úrslit. Þá höfðu gestirnir frá Grindavík betur [v+]http://www.kki.is/leikvarp_tolfraedi.asp?Leikur=1500002639_1_4[v-]105:112[slod-] Það er óhætt að mæla með þessum leikjum enda verða íþróttaviðburðir ekki mikið skemmtilegri en þetta. Báðir leikir hefjast klukkan 19:15 Úrslitakeppnin hefur farið vel af stað og hún á bara eftir að verða enn skemmtilegri.