16 feb. 2007Leikur Hamars/Selfoss og ÍR hefst klukkan 16 á morgun laugardag í Laugardalshöll. Dómarar á karlaleiknum verða Sigmundur Már Herbertsson og Kristinn Óskarsson. Eftirlitsdómari verður Pétur Hrafn Sigurðsson. Heiðursgestir frá ÍR verða Vilhjálmur Vilhjálmsson borgarstjóri og Þorsteinn Hallgrímsson fyrrum leikmaður ÍR og leikmaður í liði aldarinnar. Heiðursgestir frá Hamri/Selfoss verða Aldís Hafsteinsdóttir bæjarstjóri í Hveragerði og Guðríður Aadnegård formaður íþróttafélagsins Hamars.