![Körfuknattleiksátak á Austfjörðum](http://gamli.kki.is/myndir/Hottur7.fl.jpg)
12 feb. 2007Körfuboltamenn á Héraði eru að fara í herferð um fjórðunginn og ætla að bjóða uppá námskeið í körfubolta fyrir börn og unglinga í boði Körfuknattleiksdeildar Hattar. Til þess að fjármagna þetta verkefni hefur Höttur fengið styrki frá Menntamálaráðuneytinu og úr Spretti sem að er sjóður sem stofnaður var af ÚÍA og Alcoa. Fyrsta námskeiðið var helgina 28. janúar á Fáskrúðsfirði og gekk það vel Það er frítt fyrir alla á námskeiðið og er þetta fyrst og fremst kynning á íþróttinni. Námskeiðið hefst klukkan 10:00 og verður þá námskeið fyrir 11 ára og yngri. Námskeiðið heldur svo áfram eftir hádegi 12:30 fyrir 12 ára og eldri. Ætlunin er að vera á fleiri stöðum. Stefnt er að því sem hér segir: Seyðisfjörður - 10. febrúar Vopnafjörður - 17. febrúar Reyðarfjörður - 24. febrúar Eskifjörður - 24. febrúar Norðfjörður - 24. febrúar Við hvetjum alla til að mæta og prófa nýja íþrótt undir leiðsögn fagmanna. Þjálfarar á námskeiðinu verða Gísli Sigurðarson og Viggó Skúlason, en þeir hafa spilað og þjálfað í mörg ár með Hetti. Stefnt er að því að fleiri leikmenn Hattar komi að verkefninu í framhaldinu.