Fréttir

Nýjustu fréttir

Körfuboltaæfingar fyrir börn með þroskahömlun

25 sep. 2018ÍF í samstarfi við Hauka hafa sett á fót æfingar fyrir börn með þroskahömlun á aldrinum 6-12 ára. Kristinn Jónasson mun stýra æfingum en hann hefur þjálfað yngri flokka hjá Haukum að undanförnu og hefur þegar sótt námskeið erlendis til þess að undirbúa þessa starfsemi á vegum FIBA. Æft verður á sunnudögum í vetur í nýja körfuboltahúsinu á Ásvöllum, Ólafssal, milli kl. 10:00-11:00. ​Meira

HM kvenna 2018

24 sep. 2018Á laugardaginn var hófst keppni á HM kvenna 2018 en keppnin er haldin á Tenerife á Spáni. Alls eru 16 lið sem leika til úrslita í fjórum riðlum en það eru bestu lið hverrar álfu innan FIBA. Frá Evrópu eru það sex efstu liðin frá EuroBasket Women sl. haust sem taka þátt, Evrópumeistarar Spánar og svo Frakkland, Belgía, Grikkland, Tyrkland og Lettland. Leikið verður út september en úrslitaleikurinn sjálfur fer svo fram 30. september. Meira

Íslenskir dómarar í verkefnum fyrir FIBA

20 sep. 2018Um leið og keppnistímabilið fer að hefjast á næstunni hér heima þá er það nú þegar hafið erlendis og mun verkefnum FIBA dómara og FIBA eftirlitsmanna okkar aukast á næstunni. Í landsleikjaglugganum í síðustu viku var Rúnar Birgir Gíslason eftirlitsmaður í Kaupmannahöfn í spennandi landsleik milli Danmerkur og Svíþjóðar í forkeppni EuroBasket 2021, en Rúnar Birgir er á sínu öðru ári sem virkur eftirlitsmaður FIBA. Fyrir eigum við íslendingar einnig Pétur Hrafn Sigurðsson sem eftirlitsmann FIBA og hefur hann verið við störf undanfarin ár. Í kvöld fer fram merkilegur leikur í Kongsberg í Noregi, leikur noregsmeistara Kongsberg Miners gegn meisturum Úkraínu Cherkaski Mavpy, sem mætast í fyrri leik sínum í forkeppni EuroCup. Hann er merkilegur fyrir þær sakir að tveir íslendingar verða við störf í leik á vegum FIBA og að þetta er fyrsti evrópuleikurinn hjá norsku liði í 16 ár. Meira

Haustfjarnám 2018 - Þjálfaramenntun ÍSÍ

18 sep. 2018Haustfjarnám 1. 2. og 3. stigs þjálfaramenntunar ÍSÍ hefst mánudaginn 24. sept. nk. og tekur það átta vikur á 1. stigi en fimm vikur á 2. og 3. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni (Þjálfaramenntun KKÍ 1, 2 og 3 stig)Meira

Forkeppni EM karla 2021: Þriggja stiga tap gegn Portúgal

17 sep. 2018Íslenska karlalandsliðið lék í gær gegn Portúgal á útivelli og fór leikurinn fram í bænum Sines. Þetta var fyrsti leikur liðsins í forkeppni EuroBasket 2021. Leikurinn fór jafnt af stað og Ísland leiddi með fimm stigum eftir 1. leikhluta en heimamenn með einu stigi í hálfleik. Ísland átti ekki góðan kafla í 3. leikhluta en þar vann Portúgal leikhlutann með 10 stigum og var á tímabili með ellefu stiga forskot í fjórða leikhluta.Meira

Landslið karla: Portúgal-Ísland í dag kl. 17:30 · Forkeppni EuroBasket 2021

16 sep. 2018Í dag er komið að fyrsta leik landsliðs karla í forkeppni EuroBasket 2021. Ísland mætir Portúgal í bænum Sines í dag, sunnudaginn 16. september kl. 18:30 að staðartíma eða kl. 17:30 að íslenskum tíma. Íslenska liðið hélt út á föstudaginn og æfði í gær og undirbjó sig fyrir leikinn í dag. Lifandi tölfræði verður á heimasíðu keppninnar sem og BEIN NETÚTSENDING á Youtube-Rás FIBA á sama stað: ​ Landslið Íslands í dag er þannig skipað:Meira

Landslið karla: Liðið sem leikur gegn Portúgal á sunnudaginn

13 sep. 2018Craig Pedersen og aðstoðarþjálarar hans hafa valið þá leikmenn sem leika gegn Portúgal í forkeppni EuroBasket 2021. Leikurinn fer fram í borginni Sines á Portúgal á sunnudaginn kemur þann 16. september, en þetta er fyrsti leikur liðsins í forkeppninni. Tveir leikmenn eru að fara leika sína fyrstu landsleiki í mótum á vegum FIBA með A-landsliðinu, það eru þeir Collin Pryor og Kristinn Pálsson. Kristinn lék á Smáþjóðaleikunum 2017 og hann ásamt Collin voru í liðinu í tveim vináttuleikjum gegn Noregi nú í upphafi mánaðarins.Meira

Finnur Freyr nýr yfirþjálfari yngri liða KKÍ

13 sep. 2018KKÍ hefur ráðið Finn Frey Stefánsson sem yfirþjálfara yngri landsliða sinna. Finnur Freyr mun næstu þrjú árin ásamt Afreksstjóra KKÍ skipuleggja allt afreksstarf frá Úrvalsbúðum og Afreksbúðum upp U15, U16, U18 og U20 landsliðanna. Finnur Freyr tekur við að Einari Árna Jóhannsyni sem á undanförnum árum sinnt því starfi. Einar Árni hefur komið nálægt, með einum eða öðrum hætti, að landsliðsstarfi KKÍ sl. 18 ár og þakkar KKÍ honum kærlega fyrir sín störf í bili.Meira

Haustfundur fyrir nýlega og nýja dómara

11 sep. 2018Á laugardaginn 15. september gengst KKÍ fyrir haustfundi fyrir nýja dómara og þá sem hafa hafið dómgæslu á síðastliðnum árum. Fundurinn verður haldinn í Íþróttamiðstöðinni í Laugardal frá kl 9-16. Á haustfundinum verður farið yfir margt af því sem nauðsynlegt er fyrir dómara að hafa skilning og þekkingu á. Fyrirlesarar verða alþjóðadómararnir, Davíð Tómas Tómasson, Jóhannes Páll Friðriksson, Kristinn Óskarsson, Leifur Garðarsson og Sigmundur Már Herbertsson. Meðal efnis sem farið er yfir er:Meira

Landslið karla: Liðið sem leikur gegn Noregi í Bergen

1 sep. 2018Craig Pedersen og aðstoðarþjálfarar hans hafa valið þá 12 leikmenn sem fara til Noregs á sunnudagsmorguninn en Íslands leikur gegn heimamönnum tvo vináttulandsleiki 2. og 3. september. Leikirnir gegn Norðmönnum eru hluti af 50 ára afmæli norska sambandsins og einnig liður í undirbúningi íslenska liðsins fyrir forkeppni EM 2021 sem leikin verður í landsliðsgluggum vetrarins. Meira

Dómaranefnd kynnir reglubreytingar FIBA

30 ágú. 2018Laugardaginn 15. september kl. 13:00 boðar Dómaranefnd KKÍ til fundar með þjálfurum félaganna vegna nýju reglubreytinganna sem stjórn FIBA samþykkti fyrr í sumar.Meira

Landsliðsæfingahópur karla · Haust 2018

23 ágú. 2018Þjálfari landsliðs karla, Craig Pedersen, og aðstoðarþjálfarar hans Finnur Freyr Stefánsson og Baldur Þór Ragnarsson, hafa boðað leikmenn til æfinga í lok mánaðarins. Framundan eru tveir vináttulandsleikir gegn Noregi í Bergen en norska körfuknattleikssambandið fagnar 50 ára afmæli sínu í ár og bíður Íslandi í heimsókn sem verður um leið liður í undirbúningi Íslands fyrir leiki í forkeppni að EuroBasket 2021 (EM) í vetur. Fyrsti leikur Íslands verður í Portúgal þann 16. september, og svo verða næst tveir leikir í nóvember og tveir í febrúar 2019. Fyrst verður hópur leikmenn boðaðir til æfinga dagana 30.-31 ágúst. Þeir leikmenn sem valdir verða fyrir leikina gegn Noregi æfa svo áfram 1. september og halda svo út til Noregs 2.-4. september. Þeir leikmenn sem ekki verða valdir ljúka þar með í bili sinni þátttöku með landsliðinu fyrir leikinn í landsliðsglugganum í september.Meira

Afreksbúðir KKÍ · Seinni helgin 25.-26. ágúst

20 ágú. 2018Seinni helgi Afreksbúða KKÍ fara fram um næstu helgi. Afreksbúðirnar eru undanfari að U15 ára landsliði Íslands en þar mun yfirþjálfari ásamt vel völdum gestaþjálfurum stjórna ýmsum tækniæfingum. Afreksbúðir í ár eru fyrir ungmenni fædd 2004 og voru leikmenn boðaðir til æfinga í vor á fyrri helgina af yfirþjálfurunum en um 50-60 leikmenn fá boð úr þessum eina árgangi. Yfirþjálfarar Afreksbúða 2018 eru þeir Lárus Jónsson hjá drengjum og Kristjana Eir Jónsdóttir hjá stúlkum. Síðari æfingahelgin verður dagana 25.-26. ágúst og verður æft í íþróttahúsinu á Álftanesi. Dagskrá seinni helgarinnar verður eftirfarandi:Meira

Úrvalsbúðum 2018 lokið

20 ágú. 2018Um helgina fóru fram seinni æfingahelgi Úrvalsbúða drengja og stúlkna og voru þær haldnar í Smáranum Kópavogi og á Ásvöllum í Hafnarfirði. Alls voru um 740 krakkar boðaðir til æfinga í sumar og var met mæting í sumar. Yfirþjálfarar búðanna, Ingi Þór Steinþórsson hjá strákum og Ólöf Helga Pálsdóttir hjá stelpunum, stýrðu tækniæfingum ásamt aðstoðarþjálfurum sínum en þrír árgangar leikmanna fæddir 2005, 2006 og 2007 voru í búðunum í ár. Meira

EM · U16 ára landslið stúlkna á leið á EM í Svartfjallalandi

14 ágú. 2018U16 ára landsliðs stúlkna hélt út í morgun til Svartfjallalands þar sem þeir mun leika á Evrópumóti FIBA dagana 16.-25. ágúst. Liðið ferðast í dag og æfir og kemur sér fyrir á morgun áður en fyrsti leikur hefst á fimmtudaginn. Stelpurnar okkar leika í riðli með fimm þjóðum, Bretlandi, Grikklandi, Makedóníu, Svíþjóð og heimastúlkum frá Svartfjallalandi. Eftir keppni í riðlinum verður leikið um öll sæti keppninnar í úrslitakeppni. Alls eru 23 lið í B-deild Evrópukeppninnar þar sem Ísland tekur þátt. 16 lið leika í A-deild og 8 lið í C-deild og því 47 af 51 evrópulöndum innan FIBA sem taka þátt í U16 keppni stúlkna í ár. Leikjaplan liðsins í riðlakeppninni er sem hér segir: (allir tímar að neðan að íslenskum tíma. GMT+2 í Svartfjallalandi)Meira

Úrvalsbúðir 2018 · Seinni helgin 18.-19. ágúst

9 ágú. 2018Síðustu sumur hefur KKÍ staðið fyrir æfingabúðum fyrir úrvalshóp ungmenna. Úrvalshópurinn er undanfari yngri landsliða Ísland þar sem unglingalandsliðsþjálfarar ásamt vel völdum gestaþjálfurum fara yfir ýmis tækniatriði og stjórna stöðvaæfingum þar sem meðal annars verða æfð skottækni, sendingar, boltameðferð og sóknarhreyfingar. Úrvalsbúðirnar í ár eru fyrir ungmenni fædd 2005, 2006 og 2007 og að venju er æft á tveimur helgum. Sú fyrri fór fram í lok maí og 18.-19. ágúst er komið að þeirri síðari. ​ Dagskráin sú sama og á fyrri helginni en staðsetning hjá stelpum verður í Smáranum að þessu sinni. Strákar verða aftur á Ásvöllum líkt og síðast. ​ Seinni helgin · 18.-19. ágúst · Staðsetningar seinni helgar í ágúst: · Drengir verða DB Schenkerhöllinni að Ásvöllum í Hafnarfirði. · Stúlkur verða í Smáranum í Kópavogi. Meira

EM: U16 drengir komnir til Bosníu · Fyrsti leikur á morgun

8 ágú. 2018Í gærmorgun héldu leikmenn og fylgdarlið í U16 ára landsliðs drengja út til Sarajevo í Bosníu þar sem þeir mun leika á Evrópumóti FIBA dagana 9.-18. ágúst. Liðið ferðaðist í gær og í dag eru þeir að koma sér fyrir og taka æfingu og hefja svo leik á morgun. Strákarnir okkar leika í riðli með Finnlandi, Póllandi, Ungverjalandi, Búlgaríu og Kýpur en eftir að honum lýkur verður leikið um öll sæti keppninnar í úrslitakeppni. Alls eru 24 lið í B-deild Evrópukeppninnar þar sem Ísland tekur þátt. 16 lið leika í A-deild og 10 lið í C-deild og því 50 af 51 evrópulöndum innan FIBA sem taka þátt í U16 keppni drengja í ár.Meira

Söfnun sett af stað fyrir dóttur Halldórs Geirs

7 ágú. 2018KKÍ hvetur alla í körfuknattleiksfjölskyldunni til að taka þátt í söfnun sem sett hefur verið af stað af aðilum innan körfuknattleiksfjölskyldunnar til styrktar Kristínar sem er dóttir Halldórs Geirs Jenssonar, körfuknattleiksdómara, en hún glímir við erfið veikindi um þessar mundir sem komu í ljós í júní. Margt smátt gerir eitt stórt og þeir sem eru aflögufærir eru hvattir til að taka þátt. Upphæðin sjálf er aukaatriði en aðalmálið er að sýna fjölskyldunni samhug á þessum erfiða tíma eins og körfboltafjölskyldan hefur áður gert. Stefnt er að því að fhenda fjölskyldunni upphæðina sem safnast um miðjan ágúst en öll framlög eru nafnlaus og það mun ekki koma fram upphæð hvers og eins heldur fylgir upphæðinni sem safnast listi með nöfnum þeirra sem tóku þátt. Slíkt sýnir fjölskyldunni fyrst og fremst að við erum að hugsa hlýlega til þeirra á þessum erfiða tíma.Meira

Skráning hafin í elstu yngri flokka og neðri deildir

1 ágú. 2018Skráning er hafin í Íslandsmót og bikarkeppnir 2. og 3. deild karla, unglingaflokk karla, stúlknaflokk, drengjaflokk og 10. flokk fyrir keppnistímabilið 2018-19Meira

Unglingaráðsfundur KKÍ og félaganna 31. ágúst

1 ágú. 2018Föstudaginn 31. ágúst n.k. fer fram unglingaráðsfundur KKÍ og félaganna.Meira

Þessi síða notar vafrakökur Lesa meira