.jpg?proc=x212)
Nýjustu fréttir
Nefnd vegna keppnisumhverfis 16 ára og eldri
27 maí 2020Á stjórnarfundi KKÍ síðasta mánudag, 25. maí, var tekin ákvörðun um að skipa nefnd sem á að skoða núverandi keppnisumhverfi 16 ára og eldri og koma með tillögur að því hvernig megi bæta það. Stefnt er að því að tillögur verði tilbúnar til kynningar vel tímanlega fyrir þing sambandsins í mars á næsta ári.MeiraBreyting á reglugerð um aga- og úrskurðarnefnd
26 maí 2020Stjórn KKÍ samþykkti breytingar á reglugerð um aga- og úrskurðarnefnd á fundi sínum í gær.MeiraKeppnisdagatal 2020-2021
20 maí 2020Keppnisdagatal 2020-2021 hefur nú verið birt á heimasíðu KKÍ.Meira/molten_newfront.png)
-
Allt íþróttastarf fellur niður tímabundið
Heilbrigðisráðuneytið, í samvinnu við mennta- og menningarmálaráðuneytið, hefur sent frá sér leiðbeinandi viðmið um hvernig beri að túlka auglýsingar um takmörkun á samkomum vegna farsóttar og takmörkun á skólastarfi vegna farsóttar þegar kemur að íþrótta- og æskulýðsstarfi barna, ungmenna og fullorðinna.
Hvað varðar íþróttaiðkun fullorðinna þá er beint til íþróttahreyfingarinnar þeim tilmælum til ábyrgðaraðila og skipuleggjenda annars íþrótta- og æskulýðsstarfs að með sama hætti verði gert hlé á starfi sem felur í sér snertingu eða nálægð milli iðkenda sem er minni en 2 metrar, í samræmi við þær meginreglur sem fram koma í auglýsingu um takmörkun á samkomum og á meðan þær takmarkanir eru í gildi.
Íþrótta- og Ólympíusamband Íslands og UMFÍ treysta því að öll íþróttahreyfingin muni fara að þessum afgerandi tilmælum og að allt íþróttastarf falli tímabundið niður. Það er augljóslega ekki auðvelt fyrir íþróttahreyfinguna en við þessar aðstæður er mjög mikilvægt að þjóðin standi saman sem einn maður og að íþróttahreyfingin sýni fulla samstöðu og ábyrgð. Við viljum jafnframt minna á mikilvægi þess að landsmenn haldi áfram að hreyfa sig þrátt fyrir að skipulagt íþróttastarf sé ekki til staðar. Þá er mikilvægt að félögi haldi áfram að þjónusta sína iðkendur með þeim hætti sem mögulegt er, með fjar- og heimaæfingum.
