HM kvenna 2026 hefst í Berlín í dag

4 sep. 2026HM kvenna 2026 í körfubolta hefst í Berlín í dag og lýkur með úrslitaleik sunnudaginn 13. september. 16 bestu landslið heims leika á mótinu og verður gaman að fylgjast með sterkustu körfuknattleikskonum veraldar leika listir sínar. Við fáum að sjá vel valda leiki riðlakeppninnar í beinni á RÚV/RÚV2 næstu dagana og svo verða umspils og útsláttarleikir allir sýndir sömuleiðis í beinni. Það er klárlega veisla framundan fyrir körfuboltaunnendur. Meira

Rúnar Birgir Gíslason á ferð og flugi í ágúst sem eftirlitsmaður og tæknifulltrúi

3 sep. 2026Rúnar Birgir Gíslason var á ferð og flugi í ágúst á vegum FIBA, bæði sem eftirlitsmaður og tæknifulltrúi. Fyrst var Rúnar yfireftirlitsmaður í Lúxemborg þar sem fór fram eitt af þremur mótum í B-deild U16 stúlkna. Í þessu móti voru 6 þjóðir, líkt og í mótinu í Grikklandi sem Ísland tók þátt í og voru það Portúgalir sem komust upp í A-deild eftir sigur á Finnum í úrslitaleik. Rúnar fór svo eftir þetta mót til Zaragoza á Spáni sem hann var tæknifulltrúi í leik Spánar og Portúgal í undankeppni HM karla. Portúgalir sigruðu þar Spánverja og er þetta í fyrsta skipti sem Portúgalir vinna Spánverja í mótsleik. Jafnframt metur FIBA þetta sem óvæntustu úrslitin í þeim glugga keppninnar.Meira

A-landslið karla tekur á móti Tyrklandi í Laugardalshöll í kvöld

31 ágú. 2026 Í kvöld tekur A-landslið karla á móti Tyrklandi í næsta leik undankeppni HM 2027 í Katar. Strákarnir áttu virkilega flotta þrjá leikhluta gegn frábæru liði Serbíu síðastliðið föstudagskvöld í Belgrad. Nú er komið að því að gera enn betur fyrir framan okkar eigin stuðningsfólk. Ísland - Tyrkland hefst kl. 19:30 og er sýndur í beinni útsendingu á RÚV. Síðustu miðarnir eru til sölu á Stubb.is og í Stubbur appinu. Áfram ÍSLAND!Meira

A-landslið kvenna mætti Portúgal í tveimur vináttuleikjum

23 ágú. 2026A-landslið kvenna mætti Portúgal í tveimur vináttuleikjum um helgina. Leikirnir fóru fram í Polidesportivo Rio Maior höllinni sem er staðsett rétt utan við Lissabon. Leikirnir tveir voru kærkominn undirbúningur fyrir landsleikjagluggann í nóvember þegar stelpurnar okkar mæta Írlandi ytra og svo Sviss og Aserbaídsjan hér heima. Þeir leikir eru spilaðir í for-undankeppni EuroBasket 2029. Báðir leikir töpuðust en liðið græddi heilmikið á verkefninu. Bæði að fá tvo hörkuleiki gegn góðu liði og svo að fá góða æfingaviku saman áður en liðið flaug saman út. Það verður gaman að fylgjast með liðinu í nóvemberglugganum.Meira

Takk fyrir ykkur!

21 ágú. 2026Við viljum fá að segja takk kærlega fyrir ykkur sem hjálpuðuð okkur við setja saman metnaðarfullar æfingatöflur yngri landsliðanna í sumar. Svona verkefni er heilmikið púsluspil og ekki hægt án aðstoðar. Öll aðildarfélög KKÍ og sveitarfélögin sömuleiðis - takk fyrir liðlegheitin. Við æfðum út um allt og náðum með ykkar aðstoð að púsla öllu saman, sem er ekki sjálfsagt og við erum þakklát fyrir samvinnuna. Allt þetta hjálpar og telur heilmikið þegar árangurinn er tekinn saman. Eitt stórt takk frá okkur til ykkar!Meira

A-landslið karla og kvenna æfa hérlendis þessa dagana

18 ágú. 2026Bæði A-landslið Íslands, karla og kvenna, æfa hérlendis þessa dagana áður en liðin halda erlendis í verkefni. A-landslið kvenna mætir Portúgal í tveimur vináttuleikjum í Lissabon um helgina og A-landslið karla mætir Finnlandi í vináttuleik í Helsinki áður en þeir halda beint til Belgrad í Serbíu þar sem næsti fasi undankeppni HM 2027 heldur áfram. Við þetta tilefni náðum við að hitta á Craig og Pekka, A-landsliðsþjálfarana okkar, en það er virkilega gaman að hafa þá báða á landinu á sama tíma með æfingar. Meira

U16 ára landslið stúlkna lenti í 2. sæti í T3 hluta B-deildar EuroBasket í Ioannina í Grikklandi

12 ágú. 2026U16 ára landslið stúlkna fór í frábæra ferð til Grikklands í byrjun ágúst þar sem það lá fyrir að þær myndu spila í þriggja liða F riðli í T3 hluta B-deildar EuroBasket þetta árið en deildinni var skipt upp í þrjá keppnishluta á þremur mismunandi keppnisstöðum í þremur mismunandi löndum. T3 keppni Íslands var leikin dagana 6. - 11. ágúst 2026. Markmiðið var að komast í úrslitaleikinn til að eiga möguleika á að vinna sinn hluta og tryggja sér þannig sæti í A-deildinni að ári en sigurvegarar hvers hluta: T1, T2 og T3, ná þeim áfanga. Stelpurnar okkar í U16 ára landsliði mættu sterkar inn í mótið í Ioannina í Grikklandi en þær byrjuðu á að vinna Noreg mjög örugglega í fyrsta leik, því næst var það sannfærandi sigur gegn Bretlandi og þá var ljóst að sigur í riðlinum var staðfestur og sæti í undanúrslitum þar með tryggt. Þar mættu þær góðu liði Danmerkur og héldu sigurgöngunni áfram. Úrslitaleikurinn var gegn heimaliði Grikkja og þrátt fyrir mikla endurkomu í lokaleikhlutanum sem var sannarlega eftirtektarverð endurkoma, varð 2. sætið niðurstaðan þrátt fyrir hetjulega frammistöðu. Þrátt fyrir svekkelsið að vinna ekki úrslitaleikinn og ná þar með ekki að tryggja sér sæti í A-deildinni, geta leikmenn og þjálfarar verið afar stoltir af árangrinum sem er frábær. Til hamingju! Opna frétt til að sjá meira.Meira

U15 ára landslið stúlkna náði silfurverðlaunum á Nordic Open í Kisakallio

8 ágú. 2026U15 ára landslið kvenna náði silfurverðlaunum á Nordic Open eftir að hafa unnið tvo leiki af þremur á mótinu. Stelpurnar léku þrjá leiki á mótinu sem fór fram í Kisakallio Lohja í Finnlandi dagana 3.-6. ágúst. Fyrst spiluðu þær gegn Lettlandi, næst gegn Finnlandi og svo loks gegn Danmörku en sigrar unnust í fyrsta og þriðja leik. Úrslit mótsins: ÍSLAND 58 - 52 Lettland ÍSLAND 47 - 70 Finnland ÍSLAND 77 - 69 DarnmörkMeira

Sófus Máni Bender dæmdi á U18 NM karla 2026

6 ágú. 2026Sófus Máni Bender var tilnefndur af dómaranefnd KKÍ til að fara sem dómari með U18 ára landsliði karla á Norðurlandamótið í Södertalje í Svíþjóð dagana 23. – 28.júní. Við höfum fengið nokkrar reynslusögur okkar dómara sem hafa dæmt erlendis í sumar en það er klárt að dómararnir okkar læra heilmikið á þessum mótum erlendis eins og leikmenn, þar sem þeir læra af erlendum kollegum sínum, rýna vel í eigin frammistöðu og frammistöðu annarra dómara en sömuleðis fræðast þeir um ýmsar aðrar hliðar dómarastarfsins. Meira

U16 ára landslið kvenna er mætt á EuroBasket (EM) í Grikklandi

5 ágú. 2026U16 ára landslið stúlkna er mætt til Grikklands 🇬🇷 þar sem stelpurnar okkar leika í B-deild EuroBasket (EM) en þeirra hluti mótsins (T3) er leikinn í Ioannina. Leikjaplan, riðlaskiptingu, myndir frá leikjunum, beint opið streymi frá öllum leikjum og aðrar upplýsingar má finna á opinberri heimasíðu mótsins: https://www.fiba.basketball/en/events/fiba-u16-womens-eurobasket-2026-division-b Leikjadagskrá stelpnanna okkar í F-riðli í T3 hluta mótsins á íslenskum tímum er eftirfarandi: 6. ágúst kl. 14:00 ÍSLAND – Noregur 8. ágúst kl. 14:00 ÍSLAND - Bretland Ef íslenska liðið endar í öðru af tveimur efstu sætum riðilsins leika þær í undanúrslitum mánudaginn 10. ágúst en ef þær enda í þriðja sæti riðilsins leika þær um 5. sæti í T3 hlutanum þriðjudaginn 11. ágúst. Meira