6 maí 2003Ísland og Noregur mætast í þremur vináttulandsleikjum hér á landi dagana 23.-25. maí nk. Leikið verður í Keflavík, Reykjavík og Hafnarfirði. Friðrik Ingi Rúnarsson landsliðsþjálfari hefur valið landsliðshópinn sem mæta mun Norðmönnum. Guðmundur Bragason UMFG kemur aftur inn í hópinn eftir nokkurt hlé og þar er einnig að finna tvo leikmenn af erlendum uppruna, þá Brenton Birmingham, sem á 3 landsleiki að baki og Damon Johnson sem væntanlega mun leika sína fyrstu landsleiki fyrir Íslands hönd gegn Noregi. Ísland og Noregur hafa leikið 39 A-landsleiki í karlaflokki frá árinu 1966. Ísland hefur sigrað í 24 af þessum leikjum, en tapað 15. Síðast mættust þjóðirnar á Norðurlandamótinu í Noregi í fyrrasumar og sigruðu Íslendingar þá með minnsta mun, 77-76. Norðmenn hafa verið í mikilli sókn upp á síðkastið og því má búast við hörkuleikjum við frændur okkar austan Atlantsála að þessu sinni, eins og svo oft áður. Eftirtaldir leikmenn hafa verið valdir til æfinga fyrir leikina við Noreg og Smáþjóðaleikana á Möltu: Sverrir Þór Sverrisson Keflavík B 185 4 Gunnar Einarsson Keflavík B 188 19 Magnús Þór Gunnarsson Keflavík B 188 4 Jón Nordal Hafsteinsson Keflavík F 195 15 Damon Johnson Keflavík B/F 194 0 Friðrik Stefánsson UMFN M 203 61 Páll Axel Vilbergsson UMFG F 198 30 Guðmundur Bragason UMFG M 200 161 Sigurður Þorvaldsson ÍR F/M 200 6 Baldur Ólafsson KR M 208 32 Hlynur Bæringsson Snæfell F/M 200 1 Pálmi Freyr Sigurgeirsson Breiðablik B 190 4 Logi Gunnarsson Ulm Þýskalandi B 190 23 Jón Arnór Stefánsson Trier Þýskalandi B 195 26 Fannar Ólafsson IUP USA M 204 29 Helgi Már Magnússon Catwaba College F 198 13 Brenton Birmingham Ruiel Frakklandi B 198 3 Þjálfari Friðrik Ingi Rúnarsson Aðst.þjálfari: Benedikt Guðmundsson Sjúkranuddari: Ísak Leifsson Að auki voru eftirtaldir leikmenn valdir í landsliðshópinn en gáfu ekki kost á sér eða voru meiddir. I. Magni Hafsteinsson KR Jakob Sigurðarson Birmingham Southern Sævar Sigurmundsson Alabama Huntsville Helgi Jónas Guðfinnsson UMFG Hreggviður Magnússon ÍR Herbert Arnarson KR Teitur Örlygsson UMFN Páll Kristinsson UMFN