Afreksbúðir

Uppfært 27. ágúst
Sjá neðar um framkvæmd og fyrirkomulag Afreksbúða:


ATHUGIÐ FYRIR LAUGARDAG · AÐKOMA Á SEINNI ÆFINGUNA
Fyrstu æfingarnar geta allir komið inn um aðalinnganginn að framan en þegar þau koma á seinni æfinguna á laugardeginum þá þurfa allir að koma inn um innganginn að aftan (bílastæðið og aðkoma við N1 stöðina á bakvið) en þetta er út af handboltamóti í hinum salnum á Ásvöllum og verið er að takmarka umferð.


ALMENNT UM AFREKSBÚÐIR:

Fyrri æfingahelgin í íþróttahúsinu í Grindavík (Strákar og stelpur)

KKÍ mun standa fyrir Afreksbúðum í ár líkt og síðastliðin sumur. Afreksbúðirnar eru undanfari að U15 ára landsliði Íslands sem kallað verður inn til æfinga milli jóla og nýárs 2020. Í Afreksbúðum er það yfirþjálfari ásamt vel völdum gestaþjálfurum stjórna ýmsum tækniæfingum. 

Afreksbúðir í ár eru fyrir ungmenni fædd 2006 og verða haldnar tvisvar í ágúst. Það eru yfirþjálfararnir sem boða leikmenn til æfinga, en um 50 leikmenn fá boð úr þessum eina árgangi um að mæta til æfinga.

Yfirþjálfarar Afreksbúða 2020 er Snorri Örn Arnaldsson hjá drengjum og Ólöf Helga Pálsdóttir hjá stúlkum.

Athugið að eingöngu boðaðir leikmenn fengu bréf og eiga að mæta í búðirnar:

Æfingatímar seinni helgar 2020:

Stúlkur:
Æfingahelgi 2 í Ólafssal að Ásvöllum, Hafnarfirði
Laugardagur 29. ágúst kl. 09:00-11:00  og  13:00-15:00
Sunnudagur 30. ágúst    kl. 10:30-12:30  og  14:30-16:00

Drengir:
Æfingahelgi 2 í Ólafssal að Ásvöllum, Hafnarfirði
Laugardagur 29. ágúst kl.  11:00-13:00  og  15:00-17:00
Sunnudagur 30. ágúst    kl.  12:30-14:30  og  16:00-17:30

Bréf stúlkna 2020 í .pdf
Bréf drengja 2020 í .pdf


-> Skráningarsíðu fyrir boðaða leikmenn Afreksbúða er að finna hérna 


FYRIRKOMULAG OG FRAMKVÆMD:

1) Aðkoma iðkenda · Inngangur 
Foreldrar eru beðnir um að skutla börnum sínum að inngangi íþróttahússins. Við viljum biðja foreldra að fara ekki úr bílum sínum nema nauðsyn beri til. Foreldrar mega ekki koma inn í íþróttahúsið. Leikmenn komast greiða leið beint inn í sal og þar er tekið á móti þeim af þjálfurum KKÍ.

2) Iðkendur þurfa að koma klæddir til æfinga
Við viljum biðja iðkendur að koma í íþróttafötum tilbúin til æfinga. Körfuboltaskór og vatnsbrúsi skal vera með í tösku/poka sem er tekin með inn í íþróttasalinn. Þar klæða iðkendur sig í körfuboltaskóna. Ekki verður í boði að nota búningsklefa.

3) Aðkoma næstu æfingahópa
Strákar og stelpur æfa til skiptis báða daga og því fínt að miða við að mæta í íþróttahúsið c.a 10-15 mínútum fyrir upphaf æfingu. 

4) Lok æfinga / milli æfinga
Þegar æfingu lýkur fara iðkendur strax út úr íþróttasalnum og nýta annað rými til að nærast og bíða milli æfinga. Hægt er að rölta út í kjörbúð sem er í 3-4 mín. fjarlægð frá íþróttahúsinu.

5) Sótthreinsun bolta
Þjálfarar og starfsmenn KKÍ hreinsa bolta og áhöld milli æfinga hópana tveggja.

6) Þátttökugjald og greiðsla
Við viljum biðja foreldra að millifæra þátttökugjaldið á reikning KKÍ. Vegna sóttvarna og til að lágmarka umgang í íþróttahúsinu eru allir foreldrar eru beðnir um að ganga frá þátttökugjaldinu í heimabanka með millifærslu og kvittun í tölvupósti í síðasta lagi föstudaginn 14. ágúst.

Mjög mikilvægt er að senda kvittun með nafni og fæðingarári barns til að hægt sé að merkja við greiðslu. 

kt. 7101691369
rn. 121-26-1369
netfang fyrir kvittun: kki@kki.is
Þátttökugjald: 7.000 kr. (samtals báðar helgarnar)
 

Aðrar aðgerðir og leiðbeiningar sem notast verður við:
· Eingöngu þjálfurum, fulltrúm KKÍ og starfsfólki íþróttahússins sem og iðkendum sem fæddir eru 2004 og síðar er heimilt að vera í inní íþróttasal
· Foreldrum er óheimilt að horfa á æfingarnar og að koma inn í íþróttahúsið
· Foreldrar eru beðnir um að koma börnum sínum á staðinn og sækja fyrir utan íþróttahúsið eins og kostur er
· Ekki verði notast við búningsklefa hvort sem er fyrir eða eftir æfingarnar og iðkendur koma klæddir
· Handspritt sé aðgengilegt á öllum stöðum þar sem iðkendur og þjálfarar eru
· Þjálfarar noti ekki sömu bolta til kennslu og iðkendur
· Iðkendur og þjálfarar útiloka alla snertingu sín á milli og haldi fjarlægð í 2 metrum eins og hægt er
· Iðkendur drekki eingöngu vökva úr sínum eigin drykkjarílátum. Hver og einn aðili ætti að vera með sitt eigið ílát (brúsa, flösku eða annað).

Þessi síða notar vafrakökur Lesa meira