27 feb. 2001Það er engin smá leikreynsla samankomin í liði aldarinnar. Alls hafa leikmenn liðsins leikið 1197 A-landsleiki eða rétt tæpa 100 leiki að meðaltali á mann. Auk þess eru þjálfarar liðsins engir nýgræðingar. Einar Bollason hefur stýrt landsliðinu í 133 leikjum og Friðrik Ingi Rúnarsson í 14 leikjum sem aðalþjálfari og fjölda leikja sem aðstoðarþjálfari. Þess má geta að Einar Bollason hefur þjálfað alla leikmennina í liði aldarinnar og báða dómarana. Eini maðurinn í hópnum sem hann hefur ekki þjálfað er hinn þjálfarinn, Friðrik Ingi Rúnarsson. Þá hafa dómararnir líka mikla reynslu, Jón Otti hefur dæmt á annað þúsund leiki og Leifur Garðarsson vel á áttunda hundraðið. Á myndinni hér ofan getur að líta alla þá sem valdir voru í lið aldarinnar. Þeir eru í efri röð frá vinstri: Friðrik Ingi Rúnarsson, Jón Otti Ólafsson, Torfi Magnússon, Guðmundur Bragason, Pétur Guðmundsson, Símon Ólafsson, Valur Ingimundarson og Einar Bollason. Í neðri röð frá vinstri: Leifur Garðarsson, Teitur Örlygsson, Pálmar Sigurðsson, Kolbeinn Pálsson, Þorsteinn Hallgrímsson, Jón Sigurðsson og Jón Kr. Gíslason.