Hidayet Türkoglu, leikmaður Tyrklands og Toronto Raptors, hafði sig hægan í dag og hitti aðeins úr 1 af 16 skotum sínum utan af velli. Það kom þó ekki að sök þar sem Tyrkland hafði sigur.

Í dag voru þrír hörkuleikir á EM í Póllandi en liðin sem léku í dag eiga einn leik eftir hvert í milliriðlinum og fara þeir fram á miðvikudaginn.

Spánn styrkti stöðu sína verulega með því að leggja Lithaá að velli 84:70 í fyrsta leik dagins. Þar með er ljóst að Litháen kemst ekki áfram þó þeir vinni sinn síðasta leik og Pólland tapi gegn Spánverjum á miðvikudaginn.

Slóvenar héldu áfram að sýna mátt sinn sigruðu heimamenn í pólska liðinu 76:60 og eru í öðru sæti riðilsins. Þeir mæta efsta liðinu, Tyrkjum, í síðasta leik sínum í milliriðlinum. Það má búast við hörku leik þar þar sem sigur í riðlinum er að veði.

Tyrki unnu Serbíu og eru ennþá taplausir á mótinu eins og Frakkar. Tyrkland vann 69:64.

Hægt er að sjá myndband með samantekt frá leikjum dagsins á vef www.fibatv.com sem fleira skemmtilegt.